Ukrayna prezidenti Vladimir Zelenski ölkədə hərbi vəziyyətin, eləcə də ümumi səfərbərlik müddətinin 90 gün - avqustun 6-dək uzadılması barədə qanunları imzalayıb.
Modern.az xəbər verir ki, bu barədə “Ukrainska pravda” məlumat yayıb.
Bundan əvvəl Ali Rada Ukraynada hərbi vəziyyətin müddətini üç ay, avqustun 6-dək uzadıb, həmçinin səfərbərlik elan edib.
Ukrayna prezidentinin tələbi ilə Ali Rada 2022-ci ilin fevralından ölkədə hərbi vəziyyət və ümumi səfərbərlik rejiminin tətbiqini davam etdirir. Beləliklə, Ukraynada 3 ildən artıqdır ki, hərbi vəziyyət və səfərbərlik davam edir.
