Ötən gün Azərbaycanın İrandakı səfirliyinə hücum edən İran vətəndaşı Yasin Hüseynzadənin edam ilə bağlı bir sıra detallar aşıqlanıb. Bu barədə İranın məhkəmə və ədliyyə sisteminin sözçüsü Əsgər Cahangir yerli mediaya danışıb.

O hökmün hələ də icra edilməməsini səbəbini belə izah edib: “Qanunvericiliyə əsasən, hökmün icrası mərhumun valideynlərinin və ya onların vəkilinin məhkəməyə müraciət etməsi və ya hökmün icra olunduğu vaxt prosesdə iştirak etməsi ilə mümkün olacaq. İndiyədək mərhumun valideynləri və ya onların vəkili hökmün icrası üçün müraciət etməyiblər. Buna görə də məhkəmə sisteminin tam hazırlıqlı olmasına baxmayaraq, hökm hələ icra edilməyib”.

Məsələ ilə bağlı Şəhid Orxan Əsgərovun atası Rizvan Əsgərov Modern.az-a açıqlamasında bildirib ki, İran tərəfinə aprelin 19-da sənədlər təqdim olunub, oradakı vəkilə etibarnamə göndərilib:

 

"İranın Şindan şəhərində vəkil Rəcaüb-ül Höcətullah adına etibarnamə verdik ki, edamın vaxtı qəbul olunduqda həmin vəkilin orada iştirakına etibar edirik. Aprelin 19-da sənədləri yollamışıq. Səfirlə də danışıdım sənədlər oradadır, təqdim olunub".

R.Əsgərov vurğulayıb ki, indiki halda İran tərəfi edamın vaxtını təyin etməlidir:

"Tutaq ki, ayın 5-nə edam təyin edilib, yaxınları gəlib iştirak etsin deyilməlidir. Lakin belə bir addım atılmayıb. Həmişəki kimi prosesi uzada-uzada gedirlər. Rəsmi sənəd kimi aprelin 19-da ASAN xidmətdə etibarnamə yazılıb və yollanıb. Hələki edamın vaxtı, müddəti barədə bir məlumat yoxdur".