İyunun 1-də Yer kürəsində başlayan maqnit qasırğası ən azı iyunun 3-dək davam edəcək.
Modern.az xəbər verir ki, bu barədə xarici KİV-ə beynəlxalq ekoloji ekspertlər bildiriblər.
Maqnit qasırğasının intensivliyi güclü pozulma dövrləri ilə dəyişəcək.
Qasırğa 2025-ci ildə Günəşdə ən böyük tac kütləsinin atılması (CME) nəticəsində yaranıb və bu, proqnozlaşdırılandan daha tez Yerə çatıb.
Mütəxəssislər deyirlər ki, bu günlərdə maqnit qasırğası meteohəssas insanlara mənfi təsir edəcək. Onlar aşağıdakıları hiss edə bilər:
Baş ağrısı, təzyiq artımı, yorğunluq, stress.
Xroniki xəstəliklərin, xüsusən də ürək-damar xəstəliklərinin kəskinləşməsi.
Hipertansif böhranlar və infarktların təxminən 70%-i fırtınalar zamanı baş verir.
Ən həssas insanlar ürək xəstəliyi, hipertoniya xəstəliyi olan insanlar, eləcə də yaşlılar, uşaqlar və hamilə qadınlardır. Simptomlar qasırğadan 2-3 gün əvvəl, qasırğa zamanı və ya sonra görünə bilər.
