Ermənistanın Baş naziri Nikol Paşinyan kilsə məsələsində sakitləşmir, o bu gün mövzunu yenidən davam etdirib.
Modern.az xəbbər verir ki, Baş nazir sosial şəbəkədə yazıb:
"Ana taxt Müqəddəs Eçmiədzin açıq şəkildə izah etməlidir ki, II Qaregin subaylıq andını pozub, övladı var, ya yox? Bu məsələyə təcili aydınlıq gətirilməlidir".
Qeyd edək ki, son günlər Ermənistanda hakimiyyət-kilsə münasibətləri gərginləşib. Baş nazir N.Paşinyan kilsələrdəki keşişlərin fırıldaqçılıqla məşğul olduğunu bildirib. Kilsə isə onu din xadimlərini gözdən salmaqda ittiham edib.
