Ermənistanın Milli Təhlükəsizlik Xidməti erməni yeniyetmələrin guya Azərbaycan tərəfindən oğurlanması barədə məlumatı təkzib edib.
Modern.az xəbər verir ki, bu barədə Xidmət məlumat yayıb.
Ermənistanın MTX-nin dərc etdiyi hesabatda göstərilir ki, Zəngəzur (Sünik) vilayətinin Dığ icmasının yetkinlik yaşına çatmamış iki sakini erməni güc strukturlarının nümayəndələri ilə söhbət zamanı ev heyvanlarının arxasınca getdiklərini və duman səbəbindən ərazidə istiqaməti itirərək azdıqlarını bildiriblər.
Xatırladaq ki, MTX iyunun 6-da bəyan edib ki, iki yeniyetmə - Karen Cangiryan və Andrey Qyaqunts - Ərəvus kəndi yaxınlığında istiqaməti itirib və təsadüfən Azərbaycan ərazisinə keçib. Dünən axşam saatlarında Azərbaycan tərəfi onları geri qaytarıb.
