Sabah Gəncədə Gürcüstan və Türkiyə xarici işlər nazirləri azərbaycanlı həmkarları ilə görüşəcəklər. Bu haqda Gəncə şəhər İcra Hakimiyyətinin sözçüsü Kənan Məmmədov Modern.az-a məlumat verib.
Elmar Məmmədyarov, Maya Pancikidze və Əhməd Davudoğlu qarşılıqlı əməkdaşlığın müxtəlif istiqamətlərini müzakirə edəcəklər.
Bununla yanaşı, Ə. Davudoğlunun azərbaycanlı və gürcü həmkarı ilə ayrı-ayrılıqda görüşləri də gözlənilir. Türkiyənin xarici işlər naziri azərbaycanlı həmkarı ilə ikitərəfli formatda keçirəcəyi görüşdə regionadkı vəziyyəti dəyərləndiməklə yanaşı, eyni zamanda, digər məslələr ətrafında və ölkələrimiz arasındakı əlaqələrin daha da inkişaf etdirilməsi yollarına bir daha nəzər salacaqlar.
