Ukraynanın sağçı radikalları dünən axşam müxalifət liderləri ilə prezident Viktor Yanukoviçin görüşünün nəticəsi olaraq razılığa gəlinən barışığa əməl etməyəcəklər. Modern.az saytı xarici KİV-ə istinadən xəbər verir ki, bunu milli təşkilat lideri Dmitri Yaroş bəyan edib: “Kimsə orada xalq üsyanını saxta barışıqla dayandırmağa cəhd edir. Rəsmən bəyan edirəm: “Sağ sektor” heç bir razılaşma imzalamayıb, ona görə xalqın üsyanı davam etməlidir”, - Yaroş “facebook” səhifəsində yazıb. O, özünümüdafiə dəstələrinin yaradılacağını da bildirib.
