Türkiyənin Suriyanı təbii qazla təmin etmək planlarında SOCAR Ankaranın tərəfdaşı ola bilər.
Modern.az xəbər verir ki, bu barədə Türkiyənin energetika naziri Alparslan Bayraktar bildirib.
"SOCAR bu layihədə bizimlə tərəfdaş ola bilər. Ümid edirəm ki, biz Suriyada həyatı normallaşdıra bilərik", - Bayraktar OPEC toplantısı üçün Vyanaya səfəri zamanı deyib.
Xatırladaq ki, Bayraktar may ayında Dəməşqə səfəri zamanı Türkiyənin Suriyaya 1000 meqavat elektrik enerjisi ilə yanaşı, hər il 2 milyard kubmetr təbii qaz verəcəyini bildirmişdi.
