Orxan İsmayıl
-Sevginin pulla satılmadığını düşünənlər, bunun üçün pulu kifayət etməyənlərdir.
-Yaşamamaq üçün səbəb axtarırdım, tapdım da. Təəssüfki, yuyunanda su ilə axıb getdi.
-Qara dərili insanların daha çox bədbəxt həyat tərzi keçirmələrinin səbəbi, onlara ağlamağın daha yaxşı yaraşmasıdır.
-Qanunlar ən böyük vicdansızlığa səbəb olur. Qocalıqdanmı, tənhalıqdanmı, aclıqdanmı tir-tir əsən qarının məndən pul istəməsinə cavab olaraq “burda dilənmək qadağandır” söylədiyimə qədər vicdanlı olduğumu düşünürdüm.
-Hərdən fikirləşirəm ki, təkcə bunu bacarıram.
-Bəzi qadınlar üçün özlərindən savayı 2 növ canlı məlumdur: bitkilər və kişilər.
-Üçüncü dünya müharibəsinin başlamasını gözləməyin. Bu çoxdan baş verib.
-Kişilərdə qadın alt paltarına vurulmaq sindromu var.
-Yalnız müasirliklə, dəblə ayaqlaşmağı sevən birisi 80-ci illərin çaxırını məmuniyyətlə içərdi.
-Biz insanlar xoşbəxtliyi ilahi cəhdlə tapmağa çalışan bədbəxtlər yığınıyıq.
-Vətənpərvər olaq, etirazım yoxdur. İnsanpərəst olmaq şərti ilə.
-“Bir gün dünya dağılacaq” deyənlər, Yer kürəsinin dünya olmadığını anlayın.
-Dünyamızın vicdanşünaslıq elminə ehtiyacı olduğunu düşünürəm. Bu elm üçün tədris vəsaitləri elə insanların özləri olsa, əla olardı.
-Həyat 3 təbəqənin üzərində qurulub: Ağılsız vicdanlılar, rəhmsiz zənginlər və xudpəsənd səfehlər.
-Təbiətdən zövq alırdım, həyatı sevməyə başlayırdım, bu gözəlliyi qarış-qarış gəzərdim, ayaqqabılarım dar olmasaydı.
