Ötən il “Təhsil haqqında” qanuna edilmiş dəyişikliyə görə Azərbaycanda ali və orta ixtisas təhsili müəssisələrində ödənişli əsaslarla təhsil alan valideynlərini itirmiş və valideyn himayəsindən məhrum olmuş şəxslər təhsil haqlarından azad ediliblər.
Təhsil Nazirliyi Modern.az saytının sorğusuna cavab olaraq bildirib ki, belə tələbələrin sayı 470 nəfərdir:
“2013-2014-cü tədris ilində dövlət və özəl ali və orta ixtisas təhsili müəssisələrində ödənişli əsaslarla təhsil alan valideynlərini itirmiş və valideyn himayəsindən məhrum olmuş tələbələrin sayı 470 nəfər təşkil edir. Onların təhsilhaqqı dövlət büdcəsinin vəsaiti hesabına ödənilir”.
Misranə Həsənzadə
