“Ukraynada yekun nəticələr hələlik tam bəlli deyil. Ona görə də konkret nəsə deyə bilmərəm”. Bunu Modern.az-a Ukrayna-Azərbaycan parlamentlərarası əlaqələr üzrə işçi qrupunun üzvü, deputat Eldar İbrahimov deyib:
“Mən də Ukrayna seçkilərini televiziyadan izləmişəm. Bilirəm ki, Poroşenko 54 faiz səslə prezident seçilib. Hesab edirəm ki, Poroşenkonun prezident seçilməsi gələcəkdə Azərbaycan-Ukrayna münasibətlərinin inkişafına müsbət təsirini göstərəcək və iki dövlət arasındakı əlaqələr daha da möhkəmləndirəcək”.
Eldar İbrahimov Ukrayna parlamentində təmsil olunan deputatlarla əlaqələrindən də danışıb: “Hazırda Ukrayna parlamenti ilə əlaqələrimiz yoxdur. Oradakı məlum hadisələrdən sonra Ukrayna parlamentinin bir neçə deputatı ilə əlaqə saxlamaq istəsəm də, bu mümkün olmayıb. Telefonlara zəng vursam da, cavab verilməyib”.
Qeyd edək ki, mayın 25-də Ukraynada prezident seçkiləri keçirilib. Pyotr Poroşenko səs çoxluğu ilə qalib gəlib.
Namidə BİNGÖL
