“Bu gün “Azərbaycan” Nəşriyyatı ilə söhbət davam etdiriləcək. Özümüz üçün də qeyri-müəyyəndir. Amma çalışacağıq ki, imkan daxilində nəşriyyata borcun müəyyən məbləğini ödəyək. Onların da şərti bu olmuşdu”. Bunu Modern.az-a açıqlamasında “Azadlıq” qəzetinin redaktoru Sücəddin Şərifov deyib.
Qeyd edək ki, “Azərbaycan” Nəşriyyatı “Azadlıq” qəzetinə iyun ayının 1-nə qədər vaxt vermişdi. Həmin vaxta qədər “Azadlıq”ın Nəşriyyata olan borcu ödənməsə, qəzetin çapının dayandırılacağı bildirilmişdi. Nəşriyyatın bildirdiyinə görə, bağlanmış müqavilələrə əsasən, mayın 20-nədək redaksiyanın nəşriyyata çap xərclərinə görə 17018 manat, kommunal xərclərinə görə 982 manat, cəmi isə 18000 manat debitor borcu yaranıb.
Misranə Həsənzadə
