“Böyük İpək Yolu” Beynəlxalq Gənclər İttifaqının Üzvlər Şurasının üçüncü iclası 16-19 iyun 2014-cü il tarixində Yunanıstanın Salonik şəhərində keçirləcək. Modern.az xəbər verir ki, bu barədə təşkilatın mətbuat xidmətindən məlumat verilib.
Üzvlər Şurasının iclasına Yunanıstan Təhsil Nazirliyi, Salonik şəhər meriyası, Azərbaycan Gənclər və İdman Nazirliyi, UNESKO-nun Yunanıstandakı Milli Komissiyası dəstək verib. Üzvlər Şurasının iclasında quruma üzv olan təşkilatlarla yanaşı yeni qurumları təmsil edən 40 ölkənin nümayəndələri, o cümlədən beynəlxalq təşkilatlardan olan müşahidəçilərin iştirakı gözlənilir. Üzvlər Şurasının iclası zamanı cari məsələlərin müzakirəsi aparılacaq və 2015-ci il üçün icra planı qəbul ediləcək. “Böyük İpək Yolu” BGT-nin Üzvlər Şurasının iclası Avropa Gənclər paytaxtı 2014-Salonik” proqramı çərçivəsində həyata keçiriləcək.
Modern.az
