Gənclər üçün Təhsil Mərkəzi - Gəncə Regional ofisi 1 iyun Uşaqların Müdafiə Günü münasibətilə Xan bağında "Sən ey uşaqlıq" uşaq yaradıcılıq festivalı təşkil edib. Modern.az xəbər verir ki, tədbrin açılışında Gəncə şəhər İcra Hakimiyyətinin nümayəndəsi Əsgər Babazadə çıxış edərək uşaqların bayramını təbrik edib və dövlətimizin hər zaman uşaqların qayğısına qaldığını, uşaq hüquqları haqqında tədbir iştirakçılarına geniş məlumat verib.
Mərkəzin Gəncə regional ofisinin rəhbəri Aygün Həsənzadə tədbirin mahiyyəti haqqında qonaqlara məlumatverib: “Ulu Öndər Heydər Əliyev "Uşaqlar bizim gələcəyimizdir" deyirdi, onu da qeyd edirdi ki, əgər bir dövlət öz gələcəyini işıqlı, parlaq görmək istəyirsə gərək uşaqlara xüsusi diqqət yetirsin məhz bizdə Mərkəz olaraq bu siyasətə sadiqik və gələcəkdə uşaqların müdafiəsi, hüquqlarının təbliği ilə bağlı genişmiqyaslı tədbirlər həyata keçirəcəyik.
