“Əvvəlki illərlə müqayisədə məktublara maraq azalıb. Elektron informasiyanın inkişaf etdiyi bir dövrdə bu təbiidir. Məktublara marağın azalması daha çox mobil telefonların istifadə edilməsindən sonra baş verdi”. Bunu Modern.az-a açıqlamasında “Azərpoçt Mətbuat Yayımı” MMC-nın rəisi Elxan Ağabəyli bildirib.
“Ay ərzində 800 minə qədər məktublarımız olur ki, bunların da təxminən 400 minə qədəri sadə məktublardır. Bu rəqəmlər həm ölkə daxili, həm də xaricdən gələn məktublara şamil edilir. Bununla yanaşı, ay ərzində 50-60 min kiçik paket də olur. Ümumiyyətlə, poçt göndərişlərində 50% artım var. Burada söhbət yalnız məktubdan getmir. Bura məktublar, bağlamalar, bandrollar, açıqçalar və s. daxildir”.
Gülşən RAUFQIZI
