Erməni yazıçısı Lyubik Çibuxçyan siyasi sığınacaq almaq xahişi ilə Azərbaycan Prezidentinə müraciət etməyə hazırlaşır.
Məsələ ilə bağlı Modern.az saytına münasibət bildirən Qarabağın Azərbaycanlı İcması İdarə Heyətinin üzvü, millət vəkili Rövşən Rzayev, belə müraciətlərin baş verməsinin normal hal olduğunu deyib. Onun sözlərinə görə Ermənistanda vəziyyət olduqca pis olduğundan erməni yazıçı Azərbaycana gəlmək arzusu normaldır.
“Bu yeni hal deyil, bir çox adam belə müraciətlər edib. Bu daxildə olan problemlərdən asılı olan məsələdir. Sadə vətəndaşlar normal həyat yaşamaq istəyir. Amma bugünkü Ermənistan hakimiyyətini zəbt edən insanlar, Ermənistan xalqına xidmət etmirlər. Öz şəxsi maraqlarını ön planda tutaraq siyasət yürüdürlər. Ona görə də bundan sonra da olacaq”,-deyə R. Rzayev bildirib.
Ayşən Mönsümlü
