Modern.az

Hadi Rəcəbli:”Sosial durumu çətin olan insanlara diqqət artırılmalıdır” - FOTO

Hadi Rəcəbli:”Sosial durumu çətin olan insanlara  diqqət artırılmalıdır” - FOTO

Təhsil

11 İyun 2014, 10:17

Milli  Məclisin  Sosial-Siyasət  komitəsinin  sədri  Hadı Rəcəbli Lənkəranda yaşayan və sosial durumu çətin olan insanlarla görüş keçirib. Modern.az xəbər verir ki, millət vəkili görüşdə onların arzu  və istəklərini dinləyib, əmək  və  əhalinin  sosial müdafiəsi  nazirliyi tərəfindən həyat keçirilən belə görüşlərin önəmini vurğulayıb və bunun dövlətimizin diqqət və qayğısının nəticəsi olduğunu diqqətə çatdırıb.

H.Rəcəbli bildirib ki, dövlət  tərəfindən  əlil  və  fiziki  imkanları  məhdud  olan insanların  sağalması  və  cəmiyyətə inteqrasiya  olunması  üçün  lazım  olan bütün   tədbirlər  görülür. Reabilitasiyası  sahəsində də aparılan ardıcıl işlərdən danışan millət vəkili vurğulayıb ki, burda da mövcud  olan  qanunvericilik  aktları, derektiv  sənədlər,  əmr  və  sərəncamlar müvəfəqiyyətlə həyata keçirilir. Millət vəkili  əlilləri  düşündürən  və  maraqlandıran  bir  sıra  məsələlərə də toxunub. Onlar qanunlara  gələcəkdə  əlavələr və  dəyişikliklər  edilməsi ilə  bağlı  təkliflər  irəli  sürüblər.  Görüşdə iştirak edən Abbasova Sevil,  Muxtarova  Xatirə, Əliyev Baba,  Museyibova Zivər,  Səfərəliyeva Təranə  və  başqaları  dövlətin  onlara göstərdiyi  qayğı  və  diqqətə  görə ƏƏSMN-nin  rəhbərliyinə,  onlar  üçün yaradılan  bu  şəraitə  görə  dövlətimizin  başçısı İlham Əliyevə öz  dərin minnətdarlıqlarını  və təşəkkürlərini bildiriblər.

Qeyd edək ki, hər il yüzlərlə fiziki imkanları məhdud olan vətəndaşlarımız ölkəmizin bir sıra rayonlarında dövlət hesabına istirahət və sağlamlıqlarını bərpa edirlər. Belə bölgələrdən biri də Lənkəran rayonudur. Bu günlərdə Əmək və Əhalinin Sosial-Müdafiəsi Nazirliyinin göndərişi ilə 70-ə yaxın fiziki imkanları məhdud olan insan “Palıdlı-Sahil” istirahət mərkəzinə göndərilib.


Modern.az  
Youtube
Kanalımıza abunə olmağı unutmayın!
Keçid et
Rusiya SSRİ mesajını verdi - Ukrayna Həştərxanı vurdu