“Sürücülərə veriləcək yeni vahid forma haqqında ətraflı açıqlama verə bilmirik. Çünki vahid formalar üçün 2 rəng arasında seçim ediləcək. Hələ qərar qəbul olunmayıb”. Bunu Modern.az saytına Nəqliyyat Nazirliyinin katiblik rəisi Namiq Həsənov sürücülərə veriləcək vahid forma haqqında danışarkən deyib.
“Nəzərdə tutulan rənglərdən biri sarıya çalan boz, digəri isə göy olacaq. Geyim dəstinin hansı predmetlərdən ibarət olacağı isə rəng seçimindən sonra açıqlancaq”.
Namiq Həsənov avtobus sürücülərinin daha səliqəli görünməsi, nizam-intizamlı olması üçün köklü dəyişikliklər ediləcəyini, sürücülük bacarmayan, həmçinin, işini normal həyata keçirə bilməyən sahibkarların bu sahədən uzaqlaşdırılacağını vurğuladı.
Gülşən RAUFQIZI
