Rusiya dövlət başçısı Vladimir Putinlə Avropa Komissiyasının prezidenti Joze Manuel Barrozu arasında telefon danışığı olub. Modern.az Rusiya KİV-nə istinadən xəbər verir ki, telefon danışığında əsas müzakirə mövzusu Ukraynada yaranmış böhrandan çıxış yolları ilə əlaqədar olub. Həmçinin Ukraynanın Rusiyaya olan qaz borcu və rəsmi Kiyevin Avropa Birliyi ilə assosiativ üzvlük haqqında saziş imzalaması məsələsinə də toxunulub.
Kreml rəhbəri Barrozuya Kiyev hakimiyyətinin Ukraynanın cənub-şərqində əməliyyatları dayandırmasının vacibliyini də çatdırıb.
Modern.az
