ABŞ prezidenti Barak Obama Çini və qonşu ölkələri dəniz sərhədləri ilə bağlı yaranan mübahisələri sülh yolu ilə həll etməyə çağırıb.
Modern.az xəbər verir ki, Ağ Ev rəhbəri dəniz sərhədlərinin beynəlxalq hüquqa uyğun olaraq müəyyən edilməsinin vacibliyini vurğulayıb. B. Obama bir daha bəyan edib ki, ABŞ dəniz sərhədlərinin təyin olunması məsələsində bitərəf mövqe tutur.
Qeyd edək ki, B. Obama bu bəyanatları Yeni Zelandiyanın baş naziri Coon Keemlə görüşdən sonra Ağ Evdə çıxış edərkən səsləndirib.Modern.az
