“Mediamən” Jurnalistika Məktəbinin tələbələrinin praktiki təlimləri davam edir. Modern.az xəbər verir ki, iki ay davam edəcək layihə boyunca iştirakçılar 6-7 ci həftələrdə öz praktiki bacarıqlarının artırılması və televiziya və radio sahəsində yeni biliklər əldə etmək üçün Xəzər tv və Araz FM də praktiki məşğələlərdə iştirak ediblər. Layihədə əsasən gənclər çəkiliş meydançasında olaraq bir neçə verilişin hazırlanması prosesini əyani olaraq müşahidə ediblər. “MediaMən” layihəsində aktiv olan iştirakçılar təlimlərin yekununda sertifikatlarla təltif olunacaq.
Qeyd edək ki, bu layihə Gənclər üçün Təhsil Mərkəzi İB (GTM) , Azərbaycan Jurnalistlər Şəbəkəsi İB (AJN) və Azərbaycan Mətbuat Şurasının təşkilatı dəstəyi ilə həyata keçirlir. “MediaMən” layihəsi jurnalist olmaq istəyən 20 gənci bir araya gətirərək müfəssəl hazırlanmış təlim proqramı və praktik məşğələlərlə jurnalistkaya dair bilik və bacarıqlar öyrədir.Layihənin informasiya dəstəkçiləri Trend İnformasiya Agentliyi, Kaspi qəzeti, Modern.az saytı və Azərfoto İnformasiya Agentliyidir.
