Ayxan Məmmədova oğurluq ittihamı irəli sürülüb və 3 il 6 ay həbs verilib.
“Mandat alveri” qalmaqalının qurbanı, 2012-ci ilin dekabrında İstanbulda dünyasını dəyişən Sevinc Babayevanın oğlu Ayxan Məmmədov həbs edilib.
B u barədə Musavat.com-a özünü A.Məmmədovun dostu kimi təqdim edən Orxan adlı şəxs məlumat verib. Dostu bildirib ki, A.Məmmədov barədə bu gün Binəqədi rayon Məhkəməsində keçirilən proses zamanı hökm çıxarılıb. “Favorit” marketdə oğurluq etdiyi iddiası ilə ona qarşı açılan cinayət işinin məhkəmə istintaqı yekunlaşıb və A.Məmmədov 3 il 6 ay müddətinə azadlıqdan məhrum edilib və bu qərar onun üçün gözlənilməz olub. Çünki o, marketdən hər hansı oğurluq etmədiyini daha öncə bildirib və yaxın ətrafına şərə düşdüyünü deyib. Bundan başqa, A.Məmmədova şərti iş veriləcəyi barədə vəd verildiyi üçün o, bu həbsə hazırlıqlı olmayıb.S.Babayevanın oğlunu məhkəmədən birbaşa 1 saylı İstintaq Təcridxanasına aparıblar. Ayxan telefonunu, şəxsi əşyalarını dostuna verib.
Modern.az
