Braziliyada keçirilən futbol üzrə Dünya Çempionatının 1/8 final mərhələsində daha bir oyun baş tutdu.
Modern.az-ın məlumatına görə, Argentina və İsveçrə millilərinin qarşılaşması dramatik məcrada keçib. Bu görüşdə Argentina millisi əlavə vaxtda vurduğu bir qol sayəsində 1/4 finala yüksəlib.
1/8 final mərhələsinin son matçında Belçika və ABŞ komandaları üz-üzə gələcək. Həmin matçın start fiti Bakı vaxtı ilə saat 01:00-da veriləcək.
Qeyd edək ki, Argentina - İsveçrə və Belçika - ABŞ oyunlarının qalibləri 1/4 finalda bir-birilə qarşılaşacaq.
Xatırladaq ki, artıq mundialın 1/4 final mərhələsinin 3 cütlüyü müəyyənləşib. Bu mərhələdə Braziliya - Kolumbiya, Hollandiya - Kosta-Rika və Fransa - Almaniya görüşləri keçiriləcək.
Modern.az