Gürcüstanın sabiq prezidenti, məşhur siyasi xadim Eduard Şevardnadze vəfat edib.
Modern.az saytı xəbər verir ki, Rusiyanın RİA-Novosti agentliyi keçmiş prezidentin ölümü barədə yayılan məlumatı onun ailəsinin də təsdiq etdiyini bildirib.
Gürcüstanın bəzi KİV-lərində xəbəri təkzib ediblər. Lakin təkzib xəbərində etibarlı mənbəyə istinad edilmir. Bir sıra gürcü mənbələri isə məlumatı təsdiqləyiblər.
Eduard Şevardnadze 1928-ci il yanvarın 25-də anadan olub. 1972-1985-ci illərdə Gürcüstan KP MK-nın birinci katibi, 1985-1990-cı illərdə SSRİ-nin xarici işlər naziri vəzifələrində çalşıb. 1995-2003-cü illərdə Gürcüstan Respublikasının prezidenti olub.
Modern.az
