Bu gün Çempionlar Liqasının II təsnifat mərhələsinin ilk oyunlarına start verilib.
Modern.az-ın məlumatına görə, turnirdə Azərbaycanı Ağdamın "Qarabağ" klubu təmsil edir. İyulun 15-də klubumuz Maltada yerli "Valletta"nın qonağı olub.
Tarixində ilk dəfə Çempionlar Liqasında mübarizə aparan “Qarabağ” turnirə uğurlu çıxışla başlayıb. Belə ki, matçın 17-ci dəqiqəsində “Qarabağ”ın legioneri Cumbinyo komandamıza qələbə gətirən qolu vurub.
Bu klublar arasında cavab görüşü bir həftə sonra Bakıda keçiriləcək. Tofiq Bəhramov adına Respublika Stadionunda baş tutacaq həmin oyun saat 21:30-da başlayacaq.
Valletta" (Malta) - "Qarabağ" (Azərbaycan) - 0:1
Modern.az
