İyulun 17-də sirkə turşusundan zəhərlənərək xəstəxanaya gətirilən Bakı şəhər sakini Ellada Qarayeva dünən orada ölüb.
Modern.az Daxili İşlər Nazirliyinin mətbuat xidmətinə istinadən xəbər verir ki, iyulun 18-də Qaradağ rayonu Sahil qəsəbəsində yerləşən “Metal-Konstruksiyalar” zavodunda işləyənlər - qəsəbə sakini Qadir Ömərov və Quba rayon sakini Ağakərim Bağırov təmir-quraşdırma işləri görərkən 20 metr hündürlükdən yıxılıblar. A.Bağırov hadisə yerində, xəstəxanaya yerləşdirilmiş A.Ömərov isə orada dünyasını dəyişiblər.
İyulun 17-də Xaçmaz rayon sakini Heydər Babayev Nabran kəndinin ərazisindəki dəniz çimərliyində çimərkən boğulub.
Onun meyiti iyulun 18-də sudan çıxarılıb.
İyulun 18-də Sabirabad rayonu Şəhriyar kənd sakini Vahid Ağayevin uzərində zorakılıq əlamətləri görünməyən meyiti Nəsimi kəndinin ərazisindən keçən su kanalında tapılıb.
İyulun 18-də Yevlax şəhər sakini Əli Əhmədov şəhər qəbiristanlığında iş görərkən elektrik cərəyanı vurması nəticəsində ölüb.
Modern.az
