ABŞ-ın Delta Hava Yollarının Nyu-York-Təl-Əviv marşrutu ilə hərəkət “DL-468” təyyarəsi İsrailə getməyib. Modern.az xarici KİV-ə istinadla xəbər verir ki, buna səbəb təyyarənin Yunanıstan səmasında olarkən İsrailin Ben Qurion Hava Limanının yaxınlığına raket atılması olub.
Vəziyyət haqqında təyyarəni idarə edən pilot ABŞ Federal Aviasiya İdarəsinə məlumat verib. Bundan sonra 272 sərnişini və 17 ekipaj üzvü olan təyyarə Parisə doğru yön alıb. “DL-468” Parisdəki “Şarl De Qoll” aeroportuna enib.
Delta Hava Yolları təhlükəsizlik baxımından İsrailə olan bütün uçuşlarını təxirə saldığını bəyan edib.
Modern.az
