Qabil Hamı - Cıdır düzü - Deyib dayanır. Hamı - Şuşa - deyib Alışır-yanır. Ancaq ki, qanan da, Qanmaz da qanır; Sən get ha sinə vur, Ha mərsiyə de: Vətən talanır! - Çoxu bu harayı Vızıltılı sanır - Milçək vızıltısı, Vətən naləsi - Adam xəcalətdən Ölür... utanır...
Əşşi, nankor deyil, Düşmandı qonşu. Səmumdan beşbetər Tufandı qonşu. Sən gül yarpağında Əlvan kəpənək... Zirehdi, qılıncdı, Qalxandı qonşu. Dağımda qapqara Dumandı qonşu, Bağımda sapsarı Xəzandı qonşu, Qanıma-canıma Susandı qonşu. Yerimə, yurduma Dadandı qonşu. Əfidən də əfi İlandı qonşu. Sən də deyirsən ki: Bəlkə sülh ola Usandı, utandı, Dayandı qonşu?
Arzu yaxşı şeydir, Dilək gözəldir. Arzuyla döyünən Ürək gözəldir. “Gün o gün olsun ki...” Demək gözəldir. Xəyalplovdansa - Bir dağ aşıran Vallah, bircə tikə Çörək gözəldir. Duayla qələbə İstəməkdənsə Qələbə naminə Ölmək gözəldir.
Ağ bayrağa dönüb Bayrağı sülhün, Həm də cidarlanıb Ayağı sülhün. Boş şeydi - yoxdusa Yarağı sülhün. Yalnız qol gücüdür Dayağı sülhün. Sonsuz gəlin kimi Bəs nə vaxtacan Qundaqsız qalacaq Qucağı sülhün?!
Böyüklü-kiçikli Rəqs edir hamı. Durub gözləyən yox Heç bir bayramı “Çal-oyna” çaşdırıb Bütün adamı... Üzlərdə-gözlərdə Yoxdu zərrəcə Qəzəb qığılcımı, Qisas eyhamı Bu dərddən-bəladan Xilas eyhamı.
Vətən əldən getsə Nə şah, nə vəzir?!.. Namusa-qeyrətə Duraq müntəzir! Nə dua, nə səna Nə niyaz-nəzir?! Soyuq biganəlik Milləti pozur... Söz cəng-cidalında Ağızlar qızır... Deyinə-deyinə Camaat gəzir: Kremlə sadəlövh Məktublar yazır...
Başının altınnan Tulla balıncı, Dillə yox, Dur əllə Götür qılıncı! Bütöv bir millətə Ötür qılıncı! Son qisas həddinə Yetir qılıncı! Kafərlər qanına Batır qılıncı Ya da itkin düşən Qız-gəlinim tək Əlinnən salıb da İtir qılıncı...
Bu qədər çal-çağır, Bu qədər vur-hay Efirdə, ekranda Axı nə gəzir? Düşmən Xocalıya Raketlər düzür... Yansın baxışlarda Döyüş atəşi. Səfərbər etməli Eli-mahalı, Dəyişsin millətin Halı-əhvalı. Yığıb-yığışdıraq Hırıltıları, Yığıb-yığışdıraq Zırıltıları, Gileyi-güzarı, Qırıltıları.
Cəbhəyə açılsın Neft kəməri... Bütün üzükləri, Bilərzikləri Satıb topa verək, Tüfəngə verək. Bəsdi də nə qədər Biz əngə verək?! Biz də raket alaq, Biz də tank alaq. Düşmənlə döyüşdə Barı tən qalaq. Halalı-harama Qataq, razıyam. Təki bir məqsədə. Çataq, razıyam. Bakıya tuşlanır Raketlər, gəlin! Şirkətlər, tələsin! Marketlər, gəlin!
Vətən əldən getsə 
