Bugün Ermənistanın paytaxtı Yerevanın Respublika meydanından Azadlıq meydanına doğru yürüş keçirilib. Modern.az saytı erməni mətbuatına istinadən xəbər verir ki, aksiya iştirakçıları son günlərdə Azərbaycan-Ermənistan cəbhə xəttində baş verən insidentlərə etiraz olaraq, bu addımı atıblar.
Əllərində Ermənistan və Avropa Birliyinin bayraqları olan yürüş iştirakçıları “Sülməramlılar tərəfləri silahlandırmamalıdır!”, “Müharibəyə yox!” və “Bu bizim müharibə deyil, iqtidarların müharibəsidir!” kimi şüarlardan istifadə ediblər. Ermənistanın bir sıra ictimai xadimlərinin təşkilartçılığı ilə keçirilən küçə yürüşü Rusiya səfirliyinin qarşısında başa çatıb.
