Avqustun 28-də vəzifəsini dünən prezident seçkisində qalib gələn Rəcəb Tayyib Ərdoğana təhvil verəcək olan dövlət başçısı Abdullah Gül bu günü əhəmiyyətli açıqlamalar verib. Modern.az Türkiyə KİV-nə istinadən xəbər verir ki, dövlət başçısı Gül Məclis başçısı, baş nazir, baş qərargah rəisi, yüksək mühakimə orqanları və Məclisdə təmsil olunan siyasi partiyalara etdiyi vida ziyarətlərini, Milliyyətçi Hərəkat Partiyası ziyarəti xaricində tamamlayıb. Gül dünənki prezidentlik seçkisinin ardından ilk vida qəbulunu bu gün Çankaya köşkündə burada çalışan müxbirlərə verdi.
