İstehsalatda baş vermiş bədbəxt hadisələr nəticəsində son iki ildə xəsarət alanların və ölənlərin sayı ümumilikdə 395 nəfər olub. Bunu Modern.az-ın sorğusuna cavab olaraq Dövlət Statistika Komitəsindən bildiriblər. Belə ki, onlardan 145 nəfəri aldığı xəsarətlərdən həyatını itirib. Həyatını itirənlərdən 9 nəfəri qadınlar, 136 nəfərini isə kişilər təşkil edir.
Qeyd edək ki, ötən il istehsalatda baş verən bədbəxt hadisələrdə xəsarət alan və ölənləri sayı əvvəlki illərə nisbətən azalıb. Əgər 2012-ci ildə xəsarət alan və ölənləri sayı ümumilikdə 212 nəfər idisə, 2013-cü ildə bu rəqəm 183 nəfər təşkil edib.
Rüfanə GÜNƏŞ
