Avqustun 12-də dünyasını dəyişmiş və artıq 3 gündür Gömrük Hospitalının morqunda saxlanılan məşhur azərbaycanlı cərrah Cavad Heyətlə vida mərasiminin vaxtı məlum olub.
Mərhumun ailəsindən Modern.az saytına bildiriblər ki, doktor Cavad Heyətlə vida mərasimi sabah- avqustun 15-də saat 13.00-da Azərbaycan Milli Elmlər Akademiyasının Hüseyn Cavid prospektində yerləşən əsas binasındakı (metronun “Elmlər Akademiyası” stansiyasının yaxınlığı) dairəvi zalında başlayacaq.
Mərhumun cənazəsi dəfn olunması üçün saat 17:00-dan qaldırılacaq. Dokror Cavad Heyət Bakıda – I Fəxri Xiyabanda dəfn ediləcək
Qeyd edək ki, C.Heyət vəsiyyətində Bakıda torpağa tapşırılmasını istədiyi bildirilirdi. Bununla yanaşı, onun Təbrizdəki “Şairlər məqbərəsi”ndə - ustad şair Şəhriyarın yanında dəfnolunma ehtimalı da vardə. Sonsa birinci variantın üzərində dayanıldı.
Məlumata görə, rəsmi Bakının İranın Azərbaycandakı səfirliyilə apardığı müzakirələrdən sonra mərhumun Fəxri Xiyabanda dəfni razılaşdırılıb.
Modern.az
