2014/2015-ci tədris ili üçün rezidenturaya qəbul olmuş şəxslərin qeydiyyatı yekunlaşıb. Modern.az-ın məlumatına görə, qeydiyyat avqustun 11-dən 15-ə qədər aparılıb. Qəbul olanlar Səhiyyə Nazirliyinə iş nömrəsini, şəxsiyyət vəsiqəsi və onun surətini, Ali tibb təhsili haqqında sənəd (diplom) və onun surətini təqdim etməklə qeydiyyatdan keçiblər. Sənədlərin qəbulu ixtisaslar, tarix və saat nəzərə alınmaqla keçirilib.
Qeyd edək ki, rezidentura səviyyəsinə qəbul imtahanının II mərhələsi Tələbə Qəbulu üzrə Dövlət Komissiyası (TQDK) tərəfindən iyulun 27-də keçirilib. 818 namizəd müsabiqə şərtini (50 və daha yüksək bal) ödəyərək ixtisas seçiminə buraxılıb. Ən yüksək nəticə isə 91 bal olub.
Rüfanə GÜNƏŞ
