Kürdlərdən ibarət Peşmərgə silahlıları ABŞ-ın hərbi hava əməliyyatlarının müşayiəti ilə Mosul bəndini İŞİD-dən geri alıb.
Modern.az türk mətbuatına istinadən xəbər verir ki, bu barədə Şimali İraq Kürd Muxtariyyətinin rəhbəri Məsud Bərzaninin liderlik etdiyi Kürdüstan Demokrat Partiyasının sözçüsü Səid Məmuzini məlumat verib. Onun sözlərinə görə bəzi su bəndləri isə hələ də İŞİD-In əlindədir və yaxın zamanlarda Peşmərgələr həmin qaynaqlara da nəzarəti ələ keçirəcək.
Qeyd edək ki, bundan sonra kürdlərin əsas hədəfinin Sincar su anbarınının İŞİD-dən geri alınması olacağı bildirilir.Modern.az
