“Müsavat Partiyasının başqanlığına namizədliyimi irəli sürməyəcəm”. Bunu Modern.az-a Müsavat Divanının üzvü Vurğun Əyyub deyib. Onun fikrincə, namizədliyini irəli sürməyə ehtiyac yoxdur.
“Müsavatın qurultayında başqanlığa iddialı olan namizədlərdən kimi dəstəkləyəcəksiniz” sualına Vurğun Əyyub belə cavab verib “Bilirsiniz ki, Müsavatın qurultayına hazırlıq davam edir. Təbii ki, namizədliyini irəli sürənlərin sayı arta da bilər. Amma yeni namizədlərin adları bəlli olsa da, mənim dəstəkləyəcəyim bir namizəd var – o da Qubad İbadoğludur”.
Qeyd edək ki, Müsavat Partiyasının növbəti qurultayı sentyabr ayının axırlarında keçirilməlidir. Bu gündən başqanlığa iddialılar namizədliklərini irəli sürməyə başlayıblar. İndiki başqan İsa Qəmbərin yerinə əsas iddialılar Müsavatın Divan üzvləri Tural Abbaslı, iqtisadçı-ekspert Qubad İbadoğlu, partiyanın Mərkəzi İcra Aparatının rəhbəri Arif Hacılı və başqanın keçmiş müşaviri Səxavət Əlisoydur.
Namidə BİNGÖL
