Modern.az saytı xəbər verir ki, nüfuzlu BBC şirkətinin dünyanın 200-dən çox ölkəsinə yayımlanan “Outlook” verilişi Ukraynada vurulan Malayziyanın MH17 təyyarəsinin taleyini 1991-ci il noyabrın 20-də Qarabağın Xocavənd rayonu ərazisində vurularaq yerə salınan Mi-8 helikopteri ilə müqayisə edib.
Qarakənd faciəsində atasını itirən və bu hadisələri araşdıran “Sülh missiyası” və “Sülh missiyası-2” filmlərinin müəllifi azərbaycanlı jurnalist Sevinc Osmanqızı Malayziya təyyarəsində olduğu kimi, Qarabağda da Azərbaycanlı müstəntiqlərin əraziyə buraxılmasında yaşanan problemlərdən danışıb.
Sevinc Osmanqızı helikopter faciəsinin Azərbaycanla Ermənistan arasında imzalanmalı olan sülh razılaşmasından 2 gün əvvəl baş verdiyini vurğulayıb.
BBC-nin aparıcısı Metyu Bannister məhz vertolyot faciəsindən bir neçə gün sonra Azərbaycanla Ermənistan arasında müharibənin başlandığını deyib.
“Atamın vertolyotu vurulub” adlanan veriliş BBC-də 2 gün ərzində 3 dəfə yaymlanıb.
Verilşin tam versiyasını aşağıdakı linkdə dinləyə bilərsiniz.
//www.bbc.co.uk/programmes/p0253ht1
Modern.az
