“Səhhətim qaydasındadır, yavaş-yavaşda yaxşılaşır. Hələ ki, ev şəraitindəyəm, belə davam etsə, yaxın zamanda bir işin qulupundan tutacağam”. Bunu Modern.az-a açıqlamasında Aqşin Yenisey deyib.
O, yenidən ailə həyatı qurmağa hazırlaşan keçmiş xanımı Aysel Əlizadəyə xoşbəxtlik arzu edib:
“Düzü Aysel xanımın toyunun vaxtını bilmirəm. Əgər artıq ailə həyatı qurubsa, xoşbəxtlik arzu edirəm. Heç bir münasibətimiz yoxdur. Belə şeylərlə mətbuata çıxmaq istəmirəm. Yenə də demək istəyirəm ki, Allah xoşbəxt eləsin. İnanmıram ki, o məni toya dəvət etsin. Həm də o məni niyə toya dəvət etməldir ki?”.
Qeyd edək ki, gənc yazar Aysel Əlizadə Ümid Partiyası sədrinin müavini Ramin Hacılı ilə ailə həyatı qurur.
Modern.az
