Milli Məclisin deputatı, əslən Şəmkir rayonundan olan Etibar Hüseynov Şəmkirin iki gün öncə işdən çıxarılan sabiq icra başçısı barədə sərt ittihamlar səsləndirib. Modern.az-ın məlumatına görə, deputat eks-başçı haqda deyib:
“Nazim Veysovun işdən azad olunması xəbərinə bütün şəmkirlilər kimi, mən də sevindim. Çünki hələ indiyə kimi onun qədər Şəmkir və şəmkirlilərə ziyan və pislik etmiş ikinci birisi olmamışdı. Yalançı, fırıldaqçı, ikiüzlü birisi.. Şəmkirlilər onu həmişə nifrət və hiddətlə anacaq”.
Xatırladaq ki, sentyabrıln 8-də ölkə prezidentinin Şəmkir rayonu İcra Hakimiyyətinin başçısı Nazim Veysov vəzifəsindən azad edilib. Alimpaşa Adil oğlu Məmmədov Şəmkir rayonu İcra Hakimiyyətinin yeni başçısı təyin edilib.
Modern.az
