Azərbaycan Respublikasının 2015-ci il üzrə dövlət büdcəsində neft gəlirləri xam neftin 1 bareli üçün 90 ABŞ dolları ilə, manatın məzənnəsi isə 0,784 manat olmaqla hesablanıb. Bu barədə Modern.az saytına Maliyyə Nazirliyindən 2015-ci ilin dövlət büdcəsinə dair verilən açıqlamada bildirilib.
Nazirlikdən verilən məlumata görə, 2015-ci ilin dövlət büdcəsinin gəlirləri 19 milyard 438 milyon manat, xərcləri isə 21 milyard 100 milyon manat proqnozlaşdırılıb. Gələn ilin büdcə kəsiri -1662 milyon manat proqnozlaşdırılıb.
Qeyd edilib ki, gələn ilin büdcəsində gəlirlər 2014-cü ilin proqnozu ilə müqayisədə 5,7 faiz, xərclər isə 5,2 faiz çoxdur.
Proqnozlara görə, 2015-ci ildə dövlət büdcəsinin gəlirlərində neft sektoru üzrə daxilolmalar 65,3 faiz, qeyri-neft sektoru üzrə daxilolmalar isə 34,7 faiz təşkil edəcək.
Modern.az saytı 2015-ci ilin büdcə xərclərini əks etdirən göstəriciləri təqdim edir. Beləliklə gələn il hara nə qədər pul xərclənəcəyini artıq bilmək olar:
Modern.az
