Yerevanda parlamentdə təmsil olunan üç partiyanın liderlərinin iştirakı ilə çoxminli mitinq keçirilib. Modern.az Ermənistan KİV-nə istinadən xəbər verir ki, aksiya iştirakçıları Maştotsa prospektindən , Amiryan, Nalbandyan və Tumanyan küçələrindən keçməklə Azadlıq meydanına qayıdıblar.
Mitinqi Erməni Milli Konqresi (EMK), “Çiçəklənən Ermənistan” və “İrs” partiyaları təşkil edib. Aksiyada Sərkisyan rejimi istefaya çağırılıb.
"Çiçəklənən Ermənistan" partiyasının lideri Qaqik Tsarukyan, “İrs” partiyasının lideri Raffi Ovannisyan, Ermənistanın keçmiş xarici işlər naziri, “Çiçəklənən Ermənistan” partiyasından deputat Vardan Oskanian deyib ki, hakimiyyətin dəyişməsinə bütün şərait yaranıb.
