Praqada keçirilən etiraz aksiyasının iştirakçıları Çexiya prezidenti Miloş Zeman üçün nəzərdə tutulsan yumurtanı Almaniya Federativ Respublikasının prezidenti Yoahim Qaukun başına vurublar. Modern.az xarici KİV-ə istinadən xəbər verir ki, Almaniya prezidenti Praqaya Çexoslavakiyada kommunist rejiminin çökməsinin 25 illiyinə həsr olunan şənliklərdə iştirak etmək üçün gəlib.
“Yumurta prezident Qaukun gicgahına dəyib. O, şokdan diksinib, ancaq mərasimdə nəzərdə tutulan proqramına davam edib”, - Çexiya prezidentinin mətbuat xidməti belə xəbər verib. Məlumatda Çexiya prezidentinin qonağından üzr istədiyi də bildirilir. “Miloş Zeman Yoahim Qauka deyib: “Cənab prezident, məni bağışlayın, bu yumurta mənim üçün nəzərdə tutulmuşdu”.
Bundan əvvəl verilən məlumata görə, Miloş Zemanın Rusiyameylli siyasətinin əleyhinə təşkil olan aksiyalarda 5 minə yaxın adam iştirak edib.
Modern.az
