Milli Məclisin bugünkü iclasında deputat Fərəc Quliyev Bakı şəhərindəki tıxac probleminə də toxunub. O bildirib ki, paytaxtda yeni yollar salınsa da, tıxac problem hələ də həllini tapmayıb. Onun fikrincə, problemin həlli yolu Bakı-Sumqayıt metrosunun tikintisinə başlamaq, həmçinin də hava limanında metro stansiyası inşa etmək olar.
“Bakı Metropoliteni” Qapalı Səhmdar Cəmiyyətinin mətbuat xidməti və ictimaiyyətlə əlaqələr şöbəsinin rəisi Nəsimi Paşayev Bakı-Sumqayıt metro xəttinin tikilməsi məsələsinə münasibət bildirib.
O, qeyd edib ki, Azərbaycan prezidenti İlham Əliyevin 2011-ci ildə təsdiq etdiyi sərəncamda Sumqayıta və hava limanına metro xəttinin çəkilməsi nəzərdə tutulmayıb.
Məltəm TALIBZADƏ
