Nizami rayonunda daha bir sahibkar intihara məcbur edilir. Bu barədə Bakı şəhərində yaşayan sahibkarın yaxın qohumu məlumat verib. Məlumatda bildirilib ki, iş adamı Qəzənfər Fətullayeva məxsus Nizami rayonu Ə. Nəvai küşəsində yerləşən 1 saylı 2 mərtəbəli binanın 1-ci mərtəbəsində ki 30,5 kvadratmetr özəlləşdirilmiş qeyri-yaşayış sahəsi 2013-cü ildə adı məlum olmayan şirkət tərəfindən zəbt edilərək hasarlanıb. Bununla bağlı hüquq-mühafizə orqanlarına şikayət edilsə də amma heç bir nəticəsi olmayıb.
Deyilənləri bizimlə söhbətində Nizami rayonu, 8-ci kilometr yaşayış sahəsi Ə.Kürçaylı küçəsi, ev 5, m 39 da yaşayan sahibkar Qəzənfər Fətullayevdə təsdiq edib. Üzləşdiyi problemlərdən cana doyduğunu deyən sahibkar Modern.az-a bildirib ki, ona məxsus olan qeyri-yaşayış sahəsi sökülüb və bu barədə ona heç bir məlumat verilməyib:
“Nizami rayonu Əlişir Nəvai küçəsində yerləşən 1 saylı 2 mərtəbəli binanın 1-ci mərtəbəsindəki 30,5 kvadratmetr qeyri -yaşayış sahəsi hələdə adı mənə tam məlum olmayan şirkət tərəfindən sökülüb və hazırda hasarlanmış ərazidə tikinti işləri aparılır. Qeyd edim ki, adıçəkilən 30,5 kvm qeyri -yaşayış sahəsi 1998-ci ildə Dövlət Əmlak Komitəsi tərəfindən rəhbərlik etdiyim kiçik müəssisənin adına özəlləşdirilib və həmin ərazidə uzun illər sahibkarlıq fəaliyyəti ilə məşğul olmuşam. Ancaq 2013-cü ildə xəbərdarlıq edilmədən sözügedən ünvanda hasarlanma işləri aparılıb və bu günədək məni ora buraxmırlar”.
Bu barədə Nizami rayonunda yerləşən 22-ci polis bölməsinə müraciət etdiyini söyləyən sahibkar hadisədən sonradan xəbər tutduğunu deyib:
“Sonradan məlum olub ki, ərazini hasarlayan şirkət mənə məxsus 30,5 kvm tam təmirli sahəni sökərək orada bina tikməyə başlayıb. Bununla əlaqədar Nizami rayonunda yerləşən 23-cü polis bölməsinə də şikayət etmişəm. Əlavə edim ki, dəfələrlə mülkiyyətimi əlimdən almış şirkətin nümayəndələri ilə görüşmək istəsəm də, məni həmin əraziyə buraxmayıblar. Bu səbəbdən də indiyədək mülkiyyətim barəsində heç bir məlumata malik deyiləm. Mülkiyyətimi tələb etdikdə isə mənə təzyiqlər olur”.
