Camal Paşanın nəvəsi Hasan Camal mənsub olduğu türk xalqını aşağılayan və əbədi düşmənimiz olan ermənilərin qondarma “soyqırımı”na haqq qazandıran kitab yazıb.
Hrant Dink Fondu tərəfindən maliyyələşdirilən kitab “1915: erməni soyqırımı” adlanır.
ATVxəbər.az-ın araşdırmasına görə, hələ 2008-ci ildə Hasan Camal İrəvanda ucaldılmış qondarma “soyqırımı abidəsi”ni ziyarət edib. 2012-ci ildən etibarən isə “soyqırımı” haqqında kitabı uydurma faktlar əsasında yazıb.
Onu da qeyd edək ki, bu il dekabrın 11-də kitabın İrəvanda təqdimatı baş tutacaq. Türkiyə ilə Ermənistan sərhədlərinin açılmasının tərəfdarı olan H.Camal həm də Türkiyəni “tarixi həqiqətləri etiraf etməyə və təzminat”a çağırıb.
Hasan Camal tanınmış yazıçı və jurnalist olmaqla yanaşı uzun müddət "Hürriyyet" , "Sabah" və "Milliyet" qəzetlərinin də redaktoru olub.
Bəs Hasan Camalın babası Camal Paşa kimdir?
Camal Paşa 1913-cü ildə İstanbulun hərbi qubernatoru, 1914-18-ci illərdə isə dəniz naziri olub. Ənvər paşa və Tələt paşa ilə birlikdə hakim triumviratrın (üçlüyün) üzvü idi.
1914-17-ci illərdə Suriya və Fələstindəki türk ordularına komandanlıq etmişdi. 1918-22-ci illərdə Almaniya, İsveçrə və Əfqanıstanda mühacirətdə olub. Millətçi ermənilərin Daşnaksütyun Partiyası uydurma "erməni soyqırımı"na görə, Tələt paşa kimi onun da qətlə yetirilməsi barədə hökm çıxarmışdı. Əfqanıstandakı səfirlikdə müşavir olan Camal paşa geri qayıdarkən Tiflisdə Daşnaksütyun Partiyasının üzvü tərəfindən qətlə yetirilmişdi.
Bu da nəvənin erməni terrorçuları tərəfindən qətlə yetirən babasının ruhuna olan hörməti və xalqı, milləti qarşısında "xidmətləri"...
Modern.az
