Bir neçə gündür mətbuat müğənni Elza Seyidcahanın deputatlığa iddiasından yazır. Bu iddia hətta onunla eks-deputat Əhəd Abıyev arasında qalmaqala da səbəb olub.
Modern.az-ın məlumatına görə, Elzanın deputatlığa iddiası barədə daha bir maraqlı açıqlamanı keçmiş millət vəkili Nazim Məmmədov verib. O, Facebook-da bu haqda belə yazıb:
“Facebook dostlarıma bir sirr açım: 2009 ya da 2010-cu ildə Tovuzda hansısa səfirin gəlişi ilə bağlı tədbir var idi, müğənni Elza Seyidcahan da orada idi. Tovuzun yerli TV-də də çıxış etdi. Səhərisi gün Şəhidlər Xiyabanını da ziyarət etdik və Elza xanımın mənimlə söhbətləşmək imkanı oldu.
Mən də ona tövsiyyə etdim ki, növbəti səçkilərdə deputatlığa namizədliyini versin. O da etiraf etdi ki, tanınmış millət vəkillərindən biri ona kömek edəcək. Məsələ ciddiyə getdiyinə görə, mən soruşdum ki, Yasamal rayonundan namizəd olacaq? Dedi yox, Xızı rayonundan...”.
Modern.az
