Ermənistanda fəaliyyət göstərən türk jurnalist Qayə Coşar İrəvanda keçirdiyi avtomobil qəzasında dünyasını dəyişib.
ANS PRESS-in məlumatına görə, ağır vəziyyətdə xəstəxanaya çatdırılan Coşarın həyatını xilas etmək mümkün olmayıb.
Jurnalist və tərcüməçi kimi fəaliytyət göstərən Coşar “Hrant Dink” fondunun təşkil etdiyi Türkiyə-Ermənistan təqadüd proqramı çərçivəsində “Civilitas Foundation”da işləmək üçün bu ölkədəydi.
ODTU-nun (Yaxın Şərq Texniki Universiteti) tarix kafedrasında təhsil alan Qayə Coşar Avstraliya “Western Sydney” universutetundə İngilis dili ədəbiyyatı və Psixologiya bölümlərindən məzun olub.
“Əmək”partiyasının beynəlxalq əlaqələr şöbəsində də fəaliyyət göstərən Qayə Coşar “Evrensel” qəzeti, NTV və “Əl Cəzirə”də jurnalist və tərcüməçi kimi fəaliyyət göstərib.
