Ekstremist “Bako Haram” terrorçu qruplaşmasının Nigeriyanın şimal-şərqindəki Baqa şəhərinə təşkil etdikləri hücumlar zamanı 2 mindən çox insan ölüb.
Modern.az saytı xarici KİV-ə istinadla xəbər verir ki, Baqanın yerli idarəetmə orqanının rəsmisi Musa Alhajı Bukar terroristlərin çərşənbə günü etdiyi hücumlar nəticəsində şəhərin yandırıldığını bildirib.
O bildirib ki, dünən və bu gün törədilən terror aktları nəticəsində ölənlərin cəsədləri dağılmış vəziyyətdə küçələrdədir. O qeyd edib ki, şəhərdə hazırda sivil şəxslər qalmayıb və vətəndaşların çoxu terror törədilən ərazini tərk edib. Onların çoxu qonşu ölkələrə üz tutublar.
Modern.az
