“Azərbaycanda benzinin qiymətinin müəyyənləşdirilməsi məsələsi kimi, metropolitendə də gediş haqlarının artırılmasına Tarif Şurası baxır”.
Bunu Modern.az-a açıqlamasında “Bakı Metropoliteni” Qapalı Səhmdar Cəmiyyətinin mətbuat xidmətinin rəhbəri Nəsimi Paşayev bildirib.
O qeyd edib ki, metropoliten qiymət artımı ilə bağlı Tarif Şurasına müraciət etməyib:
“Qiymət artımı müzakirə mövzusu deyil. Bu səbədən də Tarif Şurasına müraciət etməmişik”.
Yanvar ayının 12-də Azərbaycan Respublikası Tarif (qiymət) Şurasının iclasında müvafiq qərar qəbul edilib və yol vergisi əlavə olunmaqla Aİ-92 markalı avtomobil benzininin pərakəndə satış qiyməti 1 litr üçün 72 qəpik, dizel yanacağının pərakəndə satış qiyməti isə 1 litr üçün 62 qəpik müəyyən edilib.
Qərar bugündən (13 yanvar 2015-ci il) qüvvəyə minir.
Gülşən RAUFQIZI
