Ağ Evin mətbuat katibi Coş Ernest ABŞ-ın Moskvaya qarşı sanksiyalarından dannışarkən Rusiya ilə İranı səhv salıb.
Modern.az saytının RİA-ya istinadən verdiyi xəbərə görə Ağ Ev nümayəndəsi bildirib ki, Ukrayna münaqişəsinə görə Vaşinqtonun Moskvaya yeni sanksiya tətbiq etməsi istisna deyil.
Lakin bu zaman o, Rusiya ilə İranı səhv salıb:
“Rusların son həftələrdəki hərəkətlərinə əsaslanaraq, ABŞ və onun müttəfiqlərinin İrana qarşı yeni sanksiyaları nəzərdə keçirməsini məntiqlə ehtimal etmək olar”,-deyə o səhv salıb.
Qeyd edək ki, ABŞ hakimiyyət nümayəndələri zaman-zaman kobud səhv etməklə yadda qalıblar. ABŞ Dövlət Departamentinin sözçüsü Cen Psaki bundan əvvəl bir neçə dəfə yanlışlıqlara yol verib, o hətta İstanbulla İslamabadı səhv salıb.
Modern.az
