Bu gün Milli Məclisin Regional məsələlər komitəsinin iclası olub. Komitənin üzvü Tahir Rzayev Modern.az-a müzakirəyə çıxarılan bələdiyyələrlə bağlı yeni qanun layihəsindən danışıb:
“Prezident İlham Əliyevin imzası ilə Milli Məclisə “Bələdiyyələrin etik davranış qaydaları haqqında” qanun layihəsi daxil olub. Bu, çox vacib layihədir.
“Dövlət qulluqçularının etik davranış qaydaları haqqında” qanun layihəsi də var. Bu gün artıq bələdiyyədə çalışanların davranışları, hərəkətləri, hüquqları müəyyən olunub. Bələdiyyələr insanlarla işləməyi, insanlarla münasibəti düzgün qurmalıdırlar.
Bugünkü müzakirədən sonra həmin layihənin parlamentin plenar iclasının gündəliyinə salınmasını tövsiyə etdik. Bələdiyyələrin inzibati nəzarətləri ilə əlaqədar Ədliyyə Nazirliyinin hesabatı da hazırdır”.
Namidə BİNGÖL
